Terral

Tudu dia ora ki manxê na terral

N’ta odja nha téra ta pulsa

Galo ta canta, meninus ta bai skóla

Nôs mudjeris, ku ómis ta luta

Ten beleza na tudu ês kotidianu.

Tudu dia ora ki manxê na terral

N’ta odja nha povo ta luta ku bida

Leba pon pa boca ka sta facil y maioria sta xinti ês lida.

Tudu dia ora ki manxê na terral

N’ta ta odja nha povo ta sforsa

Nês lida ku tcheu disigualdadi

Pa bida bai ku maz korage, maz speransa.